|
| 1. 韓國人英文真係好差好差, 你用英文even o係酒店d 人都會唔明你講乜, o係街上面最多都係明 how much. 所以最後準備少量韓文, 同大量身體語言. 幾錢 - (oh ma im li ga) "奧媽臉裂家?" 讀快d, 如果唔係唔似 廁所係邊 -(hwa chong sil all tee ae yo) "化妝室" (用普通話) "屙 tee 耶 唷?" (唷要高音, 因為係疑問句) 先生 - (a jor si) "阿jor 絲" 小姐 - (a ga si) "阿家絲" 多謝 - (kam sa ham li da) "鑑沙lee打" 你好 - (an nyeo ha sae yo) "安long 哈say 唷" 我明白 - (a la sor) "阿拉傻" 我不知道/不明白 - (mo la) "母啦" 2. 韓國天氣好得意, 有太陽就熱, 冇太陽就凍, 所以自己要帶好衫 3. 導遊領隊講o既野, 信一半就夠... 基本上佢地都唔會講事實o既全部, 眼看為真, 4. 所有係韓國見到有中文(睇得明而又長o既中文, 唔係漢字, 因為韓國人本身都會用少量漢字) or 日文的地方都要小心, 盡力避免去, 因為呢d 地方都係專做遊客生意, 價錢會提高 5. 跟據我地個收費packing, 係要200蚊領隊費+200蚊司機+導遊費... 不過個trip 全程都有一個camera man 跟住我地, 好nice 咁 serve 我地, 食飯幫我地拎野, 上落行李, 買飛, 影相. 跟據導遊講, 佢係韓國觀光社為每一個韓國旅行團分派o既幫手, 佢地係冇人工o既, 不過佢地會全程跟住我地團, 服務我地, 而會係最後一日將幫我地影o既相哂出黎, 再賣比我地, 訂價下係4500 won 每張相 (差唔多30hkd 張) 係好貴, 一個家庭一個家庭咁計, 但你有權唔要, 亦可以只要部分, 不過佢地係會一pack 計好哂錢咁遞比你, 我地有13張 合計 58000won... 比60000佢冇得找 >.< 不過跟我地團個人好勤力... 亦都好有heart, 咁我同我哥都好樂意幫佢買. 導遊話呢個係因為韓國失業率高而政府幫佢地做o既政策... 真唔真就唔知啦.... 老實講 4500 won 一張相真係好貴, 如果冇諗住買就唔好亂咁比佢影你相, 見到 camera 就閃啦~ 你自己都會帶相機架ma~ 無謂最後果日講價... 老實說,... 我阿哥唔係點幫我影相... camera man 影我d 相仲多過我相機有我d相... 6. 首爾有好多地下購物區, 要認好入黎同出去o既 號碼, 如果唔係轉幾轉你就唔知自己去左邊度, 而且地下購物匿可以好近而又唔相通, 例如 明洞同南大門只係一條路之隔, 但係佢地有兩個不相連的地下購物區, 由於都係差唔多樣... 所以我就係咁盪失路...如果唔識韓文... 你望住d 圈圈叉叉真係會唔知點算 7. 如果導遊同你講韓國政府規定溫度唔過26度唔可以開冷氣, 唔好理佢, 搵個冷氣機遙控出黎, 亂按, 按到有雪花出來就會有冷氣... 我黎玩的... 唔係黎受苦的... 訓唔好第二朝冇精神 係自己蝕底 8. 有好多坐車o既時間, 一個頸枕可以舒緩你很多痛苦, 可以的就帶一個或買一個吧 9. 太陽眼鏡記得帶 10. 買duty free item 記得帶passport, 有d時候一個唔夠用 就問團友借 11. 跟團注定食垃圾, 如果真係d野唔好食... 唔好迫自己食, 留肚去搵自己覺得好食的 12. 帶定你有o既藥, 因為韓國係唔比你買成藥的 13. 錢 基本上你唔買野只係食o既話, 其實用得唔多錢, 一餐最多都係10000-20000won, 20000 won 係好豪食...但係如果你要買野... 真係天文數字... 我同我哥一開始換左 6000hkd, 之後佢自己再換多 1000 hkd, 佢係賭場嬴左 28萬won 加埋就係 140萬won左右... 但係我地勁碌卡... 因為d 錢跟本唔夠用... d 單未黎.. 我都唔知用左幾多... 但roughly 我自己用左50萬won 左右啦, 買左 1副太陽眼鏡, 2條牛仔褲, 1件褸, 2頂帽, 1對鞋 我哥買太多野... 跟本唔可以作準, 但係女仔會買化妝品, 條數又係另一個計法... 所以自己保留住最少10萬won 係身啦, 唔好比自己用哂d 韓幣, 錢到七七八八就轉用卡, 你最後一日冇哂d韓幣其實都幾煩... 10萬有d多... 不過我買相就用左58000... 淨番42000 求其買d垃圾 + 機場食餐飯就冇哂... p.s. 我冇買手信, 買手信另計... 14. 信用卡收費... 我未收到單, 我都唔知... 我點解會買左條 148000o既牛仔褲架 @.@.....? 聽說是會用當天兌率再加手續費... 知道左我再po 出黎. 15. 韓國的插頭是用韓國專用的兩腳凹入式插頭, 一般的香港插頭都用不上, 所以請先預備一個插頭轉換器, 我有一個, 要的可以問我借, 新式酒店可能有, 但渡假村100% 沒有 | | |
| 早上6:30 morning call 又晨咁早... 因為番出去首爾 早餐係龍平渡假村食~ 都唔錯丫~ 之後上車出發番首爾... 又4個鐘車... 4個鐘入黎... 又4個鐘出去... 真係唔知為乜... 中間係休息站落一落車 有好多小食店 之後又上番車 到左首爾之後又再去鴨仔團, 冬蟲草唔知咩所 有非常流利+臭寸o既sales 跟本入左去之後我係直接番出黎 團友都以高速出哂黎, 抵佢死丫~ 之後就去左梨花女子大學購物區 可惜賣o既都係女人野... 我o係個度見到韓國o既mega box 同香港o既一樣~, 都係冇人架!!!! 裡面d鋪頭好多都係空置tim... 不過裡面有d 好得意o既情侶tee~ 之後落下面買左杯冇lemon 味而又冇 lemon o既 lemon 茶 上車去食飯.... 食咩呢? 係.. 又係豬肉鍋~ 今次都唔差... 有豬肉有魷魚~ 食食食~ 之後就去機場 中途去左間導遊介紹o既特賣場買手信... 佢一直都叫我地唔好買手信留到呢一間先買 當然係話呢間多平抵啦... 咁我地信就中招啦... 間野唔係平, 貨物種類少, 更加唔係大 我想買o既辣椒醬竟然冇... 好失望之下求其買左包紫菜就閃人上車 呢度唯一o既好處就係會幫你買o既 野 pack 箱, 等你容易寄番香港 之後就上車去機場lo... 雖然有d 塞車但係我地都早左粒幾鐘去機場 第一時間去便利店買番我要o既辣椒醬... 買o既時候店員同我講一堆野... 當然係聽唔明啦... 但係我用我聰明o既智慧諗左一陣 佢o既意思係問我行李寄左倉未 因為辣椒醬係唔可以hand carry~ 哈哈 我真係勁~ 咁都get 到 settle down 之後佢就幫我用保鮮紙包好就比我~ 之後就上機番hk lo~ 7:30 起飛 9:46分到香港 又係3個鐘多d到香港 (korea 比香港快一個hr) 不過回程預到好多氣流, 好彩有雪糕食所以冇咁驚... | | |
| 第4天 6:15 morning call, 起身落去食野.. 今次終於都係hotel 食breakfast 啦 雖然雪嶽山唔係咩5星級地方 但係話哂都係酒店 點都比鴨仔團養殖場好 有多d野食, 同埋d野似係比人食多d.... 不過也只是這樣而已... 昨明在雪嶽山過, 街外幾乎沒有其他食肆, 晚餐也吃得不怎麼好 所以早上吃了很多蛋 跟腸~ 之後就上車去雪嶽山國立公園 因為去左郊區, 所以早上o既溫度得番16-7 度, 空氣好好~ 雪嶽山公園入場係要錢的, 不過應該唔會太貴 入面好適合行山人士 不過我地團只係行左入去門口附近o既地方, 入左去大佛望一下就出番黎 佢地個大佛好屎... 青銅制而且都好舊了... 也不是很大 他們不太用香, 反而是多用白蠟燭 把自己的名字願望寫上去, 大慨就是許願的樣子... 聽說他們的大佛是為了南北統一而起的 不過.... 見過大海的人不會被小河吸引 就是一個青銅像而已... 從入口走進大佛只要15min 的時間 再走出來也是30min 很夠... 但導遊就給了我們1hr... 離開之後就去左乾貨店 有好多哂緊o既魷魚 有更多蒼蠅 地方唔知點解咁大~ 我對乾貨冇興趣 反而係度望周圍d 環境 見到有間昆蟲研究所, 不過唔知入面有d咩~ 好快又上左車 去左食飯... 又黎到新o既養殖場 今次d 豬肉鍋個湯有味啦~ 唔錯唔錯~, 不過都只係普通水平 之後就到左龍平渡假村 呢個龍平渡假村係滑雪專用渡假村 2012年仲會搞冬季奧運 可惜我地o係夏天去... 入到去先上房放低d行李 之後跟導遊行下個村... 因為係夏天o既關係... 基本上係冇乜人 d設施都冇乜點開... d 樹又未變紅, 都冇楓葉睇... 有... 不過綠色o既... 上左去個登山纜車, 要自己比錢... 呢個團成日都要人自己比錢... 12000 won 要坐23min 先上到去山頂 上面有coffee shop , 其實係for d 滑雪高手係上面準備好就滑落黎, coffee shop o係海拔1200米.. (其實韓國d 山都好矮) 上面d風景.. 其實同城門山谷差唔多, 不過樹多好多, 但係冇城門咁多 valley~ 而且都有d樹黃左~ 算係咁啦~ 之後cafe 幫我地點左個火爐... 大夏天點乜鬼野火.... 影幅相就番落黎lo 落左黎之後原本係要去浸溫泉的 但我沒有去到~ 跟據我哥的說法... 龍平的水上樂園是分開兩部分 一邊是男女分開的溫泉部分 我哥說就是普通的酒店spa, 沒有甚麼特別的, 但不準穿任何衣服 另一邊是男女共用的部分 沒有甚麼好玩的... 而且一定要帶泳帽 用某些設施還要強制穿救生衣 好處就是他是免費的 基本上我們團沒有甚麼人去浸 我哥都說很悶就3點去, 4點就回來了... 我原本是在房間睡的 但他回來把我吵醒, 拉我去下面逛 甚麼都沒有開的渡假村沒甚麼好看 由於是夏天的關係, 蚊好多... 咁係戶外行左陣我地就去左 supermarket 買左d野食 食完就去左間機鋪... 間機鋪好細... + 冇人... 本來呢度就冇乜人,... 入去hea 左陣, 我地都走埋返房... 之後hea 到6:30 集合去食晚餐 夜晚食酒店附設餐廳o既豬肉鍋... 冇錯... 已經係第3次... 呢間比第2次d仲好~ d湯有味, 豬肉都有醃過 算中上~ 之後夜晚大家都冇野做...各自返房... (8:00pm 冇野做... 周圍都冇野行... 真係唔知黎做乜...) 之後我哥約左兩姊妹去酒店間bar 飲野... (個妹話唔飲酒冇去.. 其實我都唔飲...但係比人硬拉住去) 雖然係英文menu... 但係個侍應都係唔識聽... 成間bar 都係得一個waiter.... 一個做哂所有野... 原本都有2台客, 不過9點之後就得番我地 環境唔錯~ d 野又係差唔多 cocktail 都係8-9000 一杯 vodka 個d 貴d, 但係我都冇留意價錢, 因為唔係我比錢 飲到10點幾11點.. 我地都閃lo~ 無聊hea 左成日... | | |
| 早上7:15am morning call 又去養殖場了 但昨天的韓燒讓我曾經蒼海難為水 隨便吃了些不知名東西就上車了 先去了人參店, 又係咁上下... 都去到厭了.. 出發去了總統府外的廣場... 一路走著突然有幾個roller 人o係我地後面衝過去... 著哂同一set 衫, 仲以為係d乜野訓練... 聽導遊講先知道佢地原來係警察.... 原來佢地係韓國政府安排黎同遊客影相o既... 越黎越唔知韓國人諗乜野... 之後仲有單車人tim... 不過如果你對緊身單車褲警察冇咩興趣, 其實係冇乜野好睇 之後就上車出發去甲仔團要去o既地方 美容學院... 教你洗面 用mask...真係nice.. 之後就去左南大門附近食中國料理 黎到呢度, 我有一件昨用o係南大門見到好想買o既衫... 所以我決定離團唔食飯去買番番黎... 但係我當然係靜雞雞走啦... 可惜我番到去明洞先發覺搵唔到間鋪... 最後用了差唔多15分鐘先買番... 番番去團友度o既時候又盪失路... 最後要問銀行守衛先返到去 番到去o既時候, 團友arm arm 落哂黎上車~ 咁我就冇得食飯~ 好彩我哥幫我買左韓國炸醬面~ 正啊~ 拎上車仲熱架~ 老實說 我冇食個中國人o既炸醬面 但係佢地o既炸醬面, 係似我地o既蠔油撈面, 不過佢地d蠔油係唔咸o既 裡面有蔥有好多蝦~ 好好食~ XDDD 我食完加車又到左另一個鴨仔店 evisu 牛仔褲店 我好少買衫褲o既... 不過阿哥話呢度平啊, 買啦... 咁我就買左條14萬8千 won o既牛仔褲.... 著係自己身... 算啦 ------------------------------------------------------------------- 之後就出發去雪嶽山渡假村 車程要4個鐘 @.@ 到左個度先去食飯 今晚食海鮮~ 導遊話 公司比o既飯錢跟本食唔到d乜野, 所以叫我地自己每人+30000won 可以食好d 咁我地諗, 有好野食, 冇所謂啦... 點知..... 坐低... 係日式冇chair 個隻, 要跪係度食, 老人家自然受不了 食個d野都係一般入面o既一般.... 有生海膽... 我唔食o既... 見到佢d 啡色已經唔想食... 石班+左口魚刺身, 唔知佢點整條魚... 有骨又有鱗... 條魚冇乜味但好鬼死韌... 之後比左個蟹蓋蒸蛋... 又係冇味... 再之後拎隻生八爪魚黎要我地咬住一條鬚影相, 影完就剪左佢比你食落肚... 其實冇乜味, 而且好韌.... 個晚唯一好就係燒酒任飲... 之後, 我哥買左10支燒酒上去導遊間房...發生d咩事我唔知... 我冇去到... __________________________________________________________________ 夜晚住雪嶽山渡假村, 地方好舊...感覺上係咒怨個d屋....... 我阿哥去左同導遊飲酒, 我就留係房 間房冇床 要訓就自己鋪野訓地下 佢有兩種被, 厚d 有兩隻色個張係地墊, 單色薄d個張係被... 鋪左其實地都係好硬 @.@ 唔知點解訓唔著.... | | |
| 早上7點30分 morning call, 出去吃早餐 親愛的領隊說酒店吃的是西式早餐, 沒意思 所以又把我們帶去鴨仔專用養殖場吃飼料 上到去... 大慨有2-3團鴨仔在吧... 我昨天的炒件糕+番薯還在胃裡.. 對垃圾沒有多大興趣 這個所謂的韓式自助早餐, 就是蛋, 飯, 泡菜, 火腿, 餃子, 奶.... 沒有甚麼特別的東西 吃完早餐又出發了, 去了泡菜學校 進去了 其實是一個showroom, 裡面有神奇的廣東話/普通話職員講解泡菜 之後還即場讓你體驗一下做泡菜~ 醬- 準備好了 菜- 也醃好了 要做的就是把他們混起來而已... 做得真好喔~ 快去裡面買吧~.... 1kg 10000 won, 買5送1, 其中魷魚泡菜材料貴, 所以10000won 只有 250g 我沒有去比較價錢, 但反正是要買的東西就買一下算了 這邊買了不用立刻拿走, 他會在你回香港的一天送去機場, 再放入冰袋包好讓你輕鬆回港 被騙也就認了, 好歹算是買個方便簡單 --------------------------------------------------------------------------------------- 買完之後去了唔知乜鬼野大屋.. 好似係睇朝鮮時代韓國聖o既模樣... 老實說... 我冇乜興趣 不過佢講到每逢有人結婚 韓國人都會設宴 而洞房的時候, 他們會點上蠟燭關上紙門 外面的人就看影子 當蠟燭光熄滅了, 客人就會弄穿紙門偷看~ 這個是導遊說的... 真不真我不知道... 不過他應該看了很多a 片... ------------------------------------------------------------------ 離開了大屋, 去了明洞+南大門~ 明洞就是我們的旺角 南大門就是我們的廟街 可惜我下了車才發覺把銀包放了在車上... T.T 就用我哥的錢好了 一路走過去, 看到了旅遊書上介紹的 32cm 雪糕, 我哥買了 一杯 (1000won) , 但吃了1/3就丟了... 之後見到 skin food, abc mart, 很多大大少少的商店, 我們就東買西買的 那邊有牌子的東西跟香港的價錢差不多,甚至比香港貴 所以記得, 買牌子要買款, 不要買價錢 另外在這邊 skin food 的確比香港便宜很多(60%+) 但不會比免稅店便宜, 而且skin food 分店很多地方也有, 不用急著買 先查一下行程有沒有經過免稅店的地方, 再去買也不遲 最後我買了 2頂帽 39000 + 63000won, 1對鞋 49000won, 1件外套 45000won, 我哥買了超多東西... 沒有 visa 錢就會用光光了... --------------------------------------------------------------------------------- 午餐是要自費的, 我跟我哥去了吃拉面, 我叫了一個吉烈豬冷面, 勁啊, 有冰架~ 湯咸又甜, 不過唔會比鴨仔飼料難食 我哥叫左個熱拉面, 好辣.... 之後搵到間banc 店, 裡面賣d tee 好平... 10000 won 一件... 感覺上他們都是假的... 但因為很便宜... 也買了5-6件走..... 光是行明洞就用盡了所有時間... 所以南大門沒有行就集合上車了.... ----------------------------------------------------------------------- 之後去了樂天世界, 進之前, 先到了它下面的星光大道... 沒有比這個更片錢的地方了... 裡面只有3個部分.... 1個是明星紙版. 只有10個左右... 不能拍照.... 因為一次收5000won... 裡面有聽對白的地方... 也是要收錢的... 中間有一個電視在播trailer... 你不進去也看得到.. 右邊有一個cafe, 裡面有拍電視劇用過的道具... 當然進去又是要收錢的... 這一個騙神騙鬼騙不了人的地方光是進去也要10000won... 跟本是來亂的... 瞬間離開之後就上去上面的樂天世界 ---------------------------------------------------------------------------- 進去了變天世界, 導遊給了我們每一張票 票上有3個正方, 導遊說大家只能玩3個遊戲要再玩就要買飛 @.@ fxxxxxxxxk 進去之後第一個感覺就是西九龍中心, 因為他是在商場頂層, 但商場沒甚麼人就是了... 地方比西九龍大很多, 一進去就看到一個海盜船... 這個船... ... 船頭尾到了最高點過了90度... 我在地上看也超恐怖... 裡面還有一個圓形類似過山車的東西 ......但就只有那個圓形... 其他軌道都沒有... 這個只會讓你就圓形不停轉, 更把你倒吊之後停下來... 韓國人到底在想甚麼.... 裡面還有鬼屋, 因為halloween 也快到了吧~ 還有室內的水上漂流... 中途只有3次下衝.... 刺激感欠奉 還有一堆兒童王國的地方 昆蟲室~ 由於我哥對昆蟲沒有多大興趣, 我也沒有留很久 之後在想, 這個地方也大慨是這樣了... 跟著看到有一個通往magic world 的地方... 走出去... 原來在外面有一個跟裡面一樣大的地方... 但外面全部都是變態的遊戲 其中有跳樓機 (跌完又拉番你上去再跳) gyro 跳樓機 (慢慢轉上去一野做低你), 同埋g4.... 海盜船o既運作模式, 但係換左一個會轉o既seat 位, 超高.... 又係見到都恐怖... 原本話只可以玩3次遊戲 不過其實在場係有d要打洞o既遊戲, 有d係唔駛, 有d明明要打洞但係工作人員會放你入去唔打你洞 會有更多團友watch only 而唔玩... 所以換句話說.. 你唔駛擔心玩o既次數限制, 你敢上去 就任你玩... 走o既時候同其他人傾先發覺, 原來佢裡面有兩個觀光式機動遊氣, 要上去坐一次先會知道邊度有d 乜野玩... 我自己冇上到去.. 跟本唔知道原來個度有過山車同滑浪飛船... 韓國人真係唔知諗咩.... 做左出黎又唔比人知有d咁野玩... 要人去搵先見到.... ____________________________________________________________________ 離開左樂天世界, 就去食飯, 冇錯, 又係鴨仔返養殖場o既時間... 點解韓國咁多養殖場... 周圍都有.. 個晚食豬肉鍋.... d湯冇味, 豬肉都冇醃... 好難食... 之後就出發去華克山莊 --------------------------------------------------------------------------------------- 黎呢度有兩個目的 一係賭場 二係免稅店 佢個賭場好細... 我諗得15-6張table game 都係得4-5種... 其實似私人大檔多d 我唔賭錢的 我哥嬴左28萬won 走~ ----------------------------------- 出去之後去左隔離o既免稅店, 有skin food 同雪花秀 買免稅野記得帶passport, 因為要登記先有得平 聽講話係1/3更低o既價, 我冇研究, 就跟同團兩姐妹買, 買回去給舅母 另外另一邊我哥要幫朋友買閃你眼 旁邊有個大媽在大手掃貨... 一口氣買了2000美金的東西... (5set)... 好強... 買完就回酒店了 _________________________________________________________ 由於晚上又是只吃了飼料的關係 所以跟我哥和兩個大叔去吃韓燒 由於是自己出來所以... 又有溝通的問題 我知道牛是 "saw" 豬是 "twegi" 但我不停說saw 老闆都不明白... 最後還是叫了4份豬肉 吃到一半才發現... 原來在上菜的大媽又是山東人, 可惜已經落order了... 我們叫了 2份豬排骨 + 2份豬腩肉 豬排骨一份一塊, 好大塊, 大慨就係A4 size 11000won 豬腩肉一份3塊, 鞋底咁上下大細, 9000won 豬排骨 (twegi kyeo pi) 好好食, 佢醃得好好, 好香, 豬腩肉都好食, 不過太辣了 佢地d 韓燒店, 只係要買肉, 其他配菜都係唔收錢d (泡菜, 生菜, 紫蘇葉, 沙律....), 可以盡情要, 前提係你要識講 (飯要錢) 還有他們的辣椒醬是用 辣椒 + 豆辦醬加起來的, 比起辣, 我會說它是甜~而很惹味~ 我地4個人食 9000+9000+11000+11000 + 1枝燒酒 3000 = 43000埋單~ 正啊~ 整個旅程最好吃就是這個了 | | |
|
