康泰鴨仔團, 團費4500左右 揀最貴係唔想住恐怖酒店, 唔想食垃圾, 唔想做鴨仔.... 可惜都係全中 --------------------------------------------------------------- 第一天 22/9 - 26/9 的團 21/9 9:55分 在機場集合 唔知痴左咩線走左去搭機場快線... 每位60蚊... 不過就真係好快到 到左之後先望下團友係咩樣... 見到都係大叔大媽團....中間有4對couple + 2姊妹 同我地 2兄弟 之後就上機出發... 大韓航空 d 飛機係兩層..~ 都幾好 去程 都幾穩同快 飛機餐都算係咁啦... 00:25飛 - 04:45到 飛左3個鐘多d (韓國快香港一個鐘) 韓國入口係可以帶200支煙~ 香港係 60支~ 落機之後係凌晨5點 過關之後見到間兌換店, 領隊話要換錢就呢間換啦, 呢間好呀~ 呢間係唔知乜野 大韓銀行, 當時兌1hkd = 148.78 won, 兌個陣佢會同你講d野 其實係問你係唔係要哂1萬錢幣, 不過佢地都慣左大家都聽唔明, 所以問下就算, 直接換哂1萬紙幣比你, 咁我就唱左6000 hkd, 大慨係 90萬 won 左右, for 我同我哥用 點知出左海關之後... 見到另一間兌換店... 兌 1hkd = 149 won... 即刻暗xxoo 個領隊... 只係差幾步路... 5點鐘, 導遊話朝頭早無謂迫大家食野 所以將朝早個餐同lunch 合埋一餐~ 就叫我地肚餓就食m 記頂住先 我同我哥就去左機場一間餐廳食野, 其實係佢食.. 我唔肚餓, 冇食到...到左個間野, 佢話太早, 而家只係得24小時限定o既食物供應... (韓國人英文好差... 都係靠指) 我自己反而去左便利店買左d 類似力保健o既野飲 韓國都幾興呢d野, 有一整個雪櫃係賣呢d保健飲品, 價錢700-1500won 出左機場上巴士...唔知坐左粒幾兩粒鐘去左個蘋果園(?)... 只係得個10幾棵樹... 有1半以去係未熟... 可以摘o既得幾個... 仲要限每日摘兩個... 有個阿叔o係隔離睇住你... 好唔舒服 個朝好似落過雨, 地上一遍泥濘... 我對白身黃底air force 1 就咁玩完... 我同我阿哥求其摘左兩個.. 我阿哥o個個好酸, 我o個個就同welcome 買個d 差唔多.. 冇乜特別 之後導遊就叫我地入小屋叫我地買梨, 仲比我地試食... 係幾甜,大同多水... 不過10000won 4個... 太貴了.. 10000won = 68.7 hkd, 而且你呢個乜春野蘋果園實在令人覺得你o係度呃人錢.... 而呢度附近有養蜂場 (其實只有5個蜂箱), 我阿哥就比蜜蜂針左一野... 離開左呢個討厭o既地方之後, 去左一個地方食飯 食o既係韓燒.. 不過食野o既環境真係好差...又舊又污穢... 亦都冇咩人服侍你... 野食好一般... 冇味... 佢地呢d食肆係專做鴨仔團 食完之後就出發去第一個遊樂場 - 夢幻樂園 Everland ----------------------------------------------------------------------------------- 到左everland 其實琴晚凌晨機, 大家都好累...大家都想訓多d 個導遊帶住我地左行右行... 之後坐左個好短o既纜車, 之後就搭巴士睇獅子老虎熊, 之後就自由活動 咁其實呢個everland 只係同海洋公園差唔多大... 可能海洋公園仲要大d tim... 唔知係唔係因為星期2... 基本上係冇人....只係有幾對情侶.. d 機動遊戲冇人排隊, 你一上去就幫你開... 一個人o既海盜船, 過山車..... everland 有全世界最大o既木做過山車.. d聲好勁... 亦都好高... 太刺激... 我冇玩到~ 我只係玩左個旋轉板海盜船同激流 難得o既係呢度d工作人員都好熱情, 就算場面冷清, 冇反應佢對都好落力~ 真係好唔錯... 不過, 可惜先天不足... 最後我同我阿哥坐左o係門口等夠鐘集合... 順便去了門口的nike shop 看一下, 價錢跟香港差不多... 可能還要貴幾十蚊 韓國的天氣很得意, 有太陽的地方會熱, 但沒太陽的地方會冷, 所以最好自己準備, 我帶了件很大的褸. 其實很麻煩 --------------------------------------------------------------------------------------------- 之後去了吃參雞湯 導遊話, 韓國人o既參雞湯係用童子雞, 所以不會很大隻, 跟住就冇人派一碗參雞湯 就係雞湯入面包左糯米, 紅棗, 同人參一支 (唔會好大支, 不過比我想像中大), 每人再派一少杯人參酒 唔好食, 冇味, 仲要苦tim... 我食左幾啖就冇食lo.... -------------------------------------------------------------------------------------------- 之後就番左酒店 酒店聽聞是剛開了兩個禮拜 十分新, 也很乾淨 地點是鬧市中心... 房間的一切都很好 唯獨是廁所的全透明設計... 雖然是有簾幕... 但是留有很大的空隙... 實在是非常尷尬... 不過我們兩兄弟還好... 其他人我就不知道了... 當晚把東西放下之後就下了街去找吃的... 那個甚麼的參雞湯拿去餵狗也嫌他難吃.. 去了大街, 酒店左右便是一個大型商場 (新世界 shinseagae, 韓國有很多這間大型商場, 就像八佰半, 但比他高及一些), 可惜他們8點就關門了, 我跟我哥也沒有帶太陽眼鏡, 所以我就在 the north face 買了一副, 45000won, 我哥就在眼鏡店買了一副..... 語言是完成不通的別妄想可以用英語來溝通... 他們比你想像的還要差...還好我有非常有限的生字~ 幫一下~ 解決了很多問題, ps 眼鏡店的老闆還送了我們兩瓶保健飲品~ 真不錯~ 我哥也買了一副10多萬的眼鏡~ 買完就出大街找吃的 韓國市人一到晚上就會很多熟食檔跑出來~ 有出名的地道炒年糕 (好spicy, 不過幾好食), 煎餃子, 燒肉串~ 我地搵到檔個大媽識講普通話~ 原來佢地有好多人由山東黎左韓國搵食~ 所以其實唔難預到山東人~, 冇辦法溝通o既時候, 不妨試下用普通話丫~ 之後再行, 見到有燒栗子, 粟米, 番薯, 燒餅 好多好多~ 其中番薯 唔係好深色但係好甜~ 好好食~ 之後行左一條紅燈區咁o既街, 入面好多食肆~ 好多韓燒鋪頭, 可惜當日 quota 已滿~ 唯有等聽日~ | 
